У Магілёве затрымалі вядомага барда Аляксандра Баля
Аляксандр Баль / фота з ягонай старонкі ў Фэйсбуку
15 чэрвеня ў Магілёве затрымалі вядомага барда Аляксандра Баля, паведамляюць праваабаронцы. Пазней стала вядома, што ён асуджаны на 15 сутак арышту за "распаўсюд экстрэмісцкіх матэрыялаў".
Аляксандр Баль — лаўрэат разнастайных фестываляў бардаўскай песні, у тым ліку Грушынскага — самага вядомага ў Расіі.
Пасля пачатку масавых рэпрэсій Баль напісаў песню "На родине моей беда", у якой адназначна выказаў сваю грамадскую пазіцыю. Напрыканцы 2021-га яго звольнілі з пасады загадчыка музычнай часткі Магілёўскага драмтэатра.
