У Магілёве штодня вырабляюць па 5 тысяч асобнікаў "Кветак Вялікай Перамогі"
А пры неабходнасці могуць павялічыць выпуск прадукцыі ў 10 разоў.
Магілёўскае прадпрыемства “Стужка” пачала вырабляць “Кветкі Вялікай Перамогі” — да 5 тысяч бутаньерак штодня. Яна ўяўляе сабой белую кветку на лістах яблыневага колеру з чырвона-зялёнай стужкай. На прадпрыемстве кажуць, што прадукцыя не ўласцівая іх вытворчасці, але выраб засвоілі ў сціслыя тэрміны па ўласных эскізах.
Пры неабходнасці выпуск “Кветак Вялікай Перамогі”, як і стужак у колерах нацыянальнага сцяга, можа быць павялічаны ў 10 разоў, паведамляе ТРК “Магілёў”.
Нагадаем, што новы сімвал Перамогі быў прэзентаваны на 42-м з’ездзе Беларускага рэспубліканскага саюза моладзі ў студзені бягучага года. Яго станоўча ацаніў і кіраўнік дзяржавы Аляксандр Лукашэнка. Мяркуецца, што гэты сімвал з’яўляецца альтэрнатывай “георгіеўскім стужкам”.
Фота: brsm.grodno.by