У лякарні ў Мар'інай Горцы прарвала трубу (фота)
Здарэнне адбылося ў цэнтральнай раённай лякарні Мар'інай Горкі на вуліцы Калініна.
Як паведамляе прэс-служба Міністэрства па надзвычайных сітуацыях, прарыў трубы ўнутранага водазабеспячэння дыяметрам 50 мм адбыўся ў паддашкавым памяшканні. Будынак шпіталя трохпавярховы, цагляны. На трэцім паверсе размешчаны аперацыйны блок, на другім паверсе — радзільня.
На момант прарыву трубы аперацыі не вяліся. Пацярпелых няма.
Паведамляецца, што прарыў ліквідаваны і цяпер вядуцца работы па сушцы і праветрыванні аперацыйнай.
Фота — mchs.gov.by