У Лунінцы камандзіраў "народнага апалчэння" вучылі аказваць меддапамогу
![На занятках паказвалі, як рабіць перавязкі пры раненнях](/sites/default/files/styles/gallery_main/public/2024-04/lun01.jpg.webp?itok=MDcDhmHj)
На занятках паказвалі, як рабіць перавязкі пры раненнях / lnc.by
У Лунінцы камандзіраў "народнага апалчэння" і іх намеснікаў вучылі аказваць першую меддапамогу ў выпадку ранення. Як пішуць "Лунінецкія навіны", заняткі праходзілі ў будынку ваенкамата. Вялікага энтузіязму ў сабраных амаль двух дзясяткаў мужчын яны не выклікалі. Інструктары паказвалі, як рабіць перавязкі пры раненнях, як спыняць кроў. Жадаючым міліцыянеры дазволілі разабраць аўтамат ці пісталет.
Атрады "народнага апалчэння" ствараюць у Беларусі з 2022 года. У іх прымаюць толькі лаяльных рэжыму Аляксандра Лукашэнкі людзей (нярэдка былых міліцыянераў, вайскоўцаў), якім давядзецца дапамагаць найперш міліцыі ў змаганні з "дыверсантамі" і "незаконнымі ўзброенымі фармаваннямі", у ахове розных аб'ектаў падчас вайны. Міністр абароны Віктар Хрэнін абяцаў, што зброю атрымаюць толькі "свае" людзі. Улічваючы нязначную колькасць лаяльных рэжыму грамадзян, гэтыя атрады не будуць шматлікія.
Летась адзін з удзельнікаў лунінецкага "народнага апалчэння" заявіў прапагандыстам, што яны рыхтуюцца да вайны з... NATO.
![У Лунінцы камандзіраў "народнага апалчэння" вучылі аказваць меддапамогу](/sites/default/files/styles/default_image_paragraph/public/paragraphs/image/Lun02.jpg.webp?itok=mfak5v-L)
![У Лунінцы камандзіраў "народнага апалчэння" вучылі аказваць меддапамогу](/sites/default/files/styles/default_image_paragraph/public/paragraphs/image/Lun03.jpg.webp?itok=MsSQffyl)
![У Лунінцы камандзіраў "народнага апалчэння" вучылі аказваць меддапамогу](/sites/default/files/styles/default_image_paragraph/public/paragraphs/image/Lun04.jpg.webp?itok=vcs2pPHX)
![У Лунінцы камандзіраў "народнага апалчэння" вучылі аказваць меддапамогу](/sites/default/files/styles/default_image_paragraph/public/paragraphs/image/Lun05.jpg.webp?itok=uF-wMuDN)
![У Лунінцы камандзіраў "народнага апалчэння" вучылі аказваць меддапамогу](/sites/default/files/styles/default_image_paragraph/public/paragraphs/image/Lun06.jpg.webp?itok=9DH0lIHk)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.