У Літве выпусцілі з-пад варты падазраванага ў шпіянажы на карысць Беларусі
Мантас Данелюс / Facebook
У Літве выпусцілі з-пад варты падазраванага ў шпіянажы на карысць Беларусі юрыста Мантаса Данелюса. Ён будзе насіць электронны бранзалет. У яго забралі дакументы, якія пацвярджаюць асобу, паведамляе lrt.lt.
Данелюса арыштавалі восенню 2022-га. Раней ён укараняўся ў арганізацыі беларускіх палітуцекачоў у Літве, прапаноўваў ім юрыдычную дапамогу, а потым перадаў звесткі беларускай прапагандыстцы Ксеніі Лебедзевай. Вядома, што менавіта Мантас Данелюс арганізаваў здымкі інтэрв'ю з былым байцом палка Каліноўскага — нібыта для амерыканскай амбасады. У выніку ён перадаў інтэрв'ю Лебедзевай.
