У Калодзішчах гарэла паліклініка, эвакуявалі каля 100 чалавек
![Каля паліклінікі ў Калодзішчах](/sites/default/files/styles/gallery_main/public/2024-03/kalod.jpg.webp?itok=cZhhzohM)
Каля паліклінікі ў Калодзішчах / t.me/mchs112by/
27 сакавіка пасля 10-й гадзіны ў аграгарадку Калодзішчы пад Мінскам гарэла паліклініка, эвакуявалі каля 100 чалавек. Як паведамляюць ратавальнікі, дваіх пацярпелых завезлі ў бальніцу, але папярэдні дыягназ "атручэнне прадуктамі гарэння" не пацвердзіўся. У шпіталізацыі яны патрэбы не мелі.
Паводле папярэдняй інфармацыі, у будынку паліклінікі адбылося кароткае замыканне свяцільні ў цокальным паверсе. Пасля гэтага загарэлася папера на стале. Узгаранне пры дапамозе вогнетушыцеля ліквідавала медработніца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.