У Іванаўскім раёне аднагадовы хлопчык захлынуўся ў вядры
У Іванаве на Брэстчыне райаддзел Следчага камітэта праводзіць праверку па факце смерці малалетняга дзіцяці, перадае БЕЛТА са словаў афіцыйнай прадстаўніцы УСК па Брэсцкай вобласці Марыны Драньковай.
Трагічнае здарэнне адбылося 2 верасня ў вёсцы Іванаўскага раёна. У прыватным доме ў вядры з вадкасцю (вышынёй 34 см) знайшлі цела аднагадовага хлопчыка. падчас інцыдэнту дзіця знаходзілася на кухні адно, без дагляду дарослых.
Паведамляецца, што гэта чацвёртае дзіця ў шматдзетнай сям'і. 30-гадовая маці, якая выявіла цела сына, знаходзіцца ў адпачынку па доглядзе за дзіцем. Бацька ў той час быў на працы.
Праваахоўнікі асаблівую ўвагу звяртаюць на прычыны і ўмовы, якія прывялі да трагедыі. Па словах Драньковай, раней сям'ю прызнавалі ў сацыяльна небяспечным становішчы.
