У Ісландыі пасля землетрусу здарылася вывяржэнне вулкана
![Вывяржэнне вулкана ў Ісландыі](/sites/default/files/styles/gallery_main/public/2023-12/vulkan0_19_12.jpg.webp?itok=2D_Ezppg)
Вывяржэнне вулкана ў Ісландыі / Reuters
У Ісландыі пасля землятрусу адбылося сур'ёзнае вывяржэнне вулкана, лава пагражала суседняму гораду, піша Reuters са спасылкай на Метэаралагічнае ўпраўленне краіны. Агенцтва нагадвае, што ў лістападзе ўлады эвакуявалі ў тым раёне амаль 4000 жыхароў рыбацкага гарадка Грындавік і закрылі геатэрмальны курорт "Блакітная лагуна" — таксама асцерагаліся вывяржэння вулкана. Але тады ўсё абышлося.
Гэтым разам вывяржэнне пачалося на поўнач ад Грындавіка, усяго ў некалькіх кіламетрах ад горада. Расколіны ў зямлі цягнуліся ў бок населенага пункта. "Сейсмічная актыўнасць разам з вымярэннямі з дапамогай GPS-прылад паказваюць на тое, што магма рухаецца на паўднёвы захад і вывяржэнне можа працягнуцца ў напрамку Грындавіка", — заявілі ў Метэаралагічным бюро.
Расколіна на зямлі склала каля 3,5 км і хутка расла. У секунду выкідалася да 200 кубічных метраў лавы — гэта ў некалькі разоў больш, чым падчас папярэдніх вывяржэнняў у гэтым раёне. Дададзім, што ад Грындавіка да сталіцы Ісландыі Рэйк'явік — усяго 40 км. Аэрапорт каля Рэйк'явіка не закрывалі. Але самалёты выляталі з затрымкамі.
Reuters нагадвае, што Ісландыя размешчаная паміж Еўразійскай і Паўночна-Амерыканскай тэктанічнымі плітамі. Яны рухаюцца ў процілеглых кірунках і правакуюць землятрусы і вывяржэнні вулканаў.
![В Исландии после землетрясения случилось извержение вулкана](/sites/default/files/styles/default_image_paragraph/public/paragraphs/image/vulkan_19_12.jpg.webp?itok=sKjN4Ozb)
![В Исландии после землетрясения случилось извержение вулкана](/sites/default/files/styles/default_image_paragraph/public/paragraphs/image/vulkan1_19_12.jpg.webp?itok=bpohWf9S)
![В Исландии после землетрясения случилось извержение вулкана](/sites/default/files/styles/default_image_paragraph/public/paragraphs/image/vulkan2_19_12.jpg.webp?itok=tfT3q1_7)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.