У Гродне падчас добраўпарадкавання выявілі муры ХІІ стагоддзя
Археалагічная знаходка ў Гродне / ТРК "Гродна"
У Гродне падчас добраўпарадкавання Новага замка выявілі рэшткі старажытных муроў XII стагоддзя, паведамляе тэлерадыёкампанія "Гродна".
Археолагі выявілі рэшткі сцен з плінфы і галаснікоў (керамічных збаноў, якія ўмуроўвалі ў сцены для акустыкі) XII стагоддзя. Што менавіта гэта быў за будынак, навукоўцы яшчэ павінны высветліць.
Дарэчы, у 2018 годзе на тэрыторыі Новага замка былі знойдзеныя рэшткі каменнага храма XII стагоддзя. Тады даследчыкі выказалі меркаванне, што гэта магла быць Васкрасенская царква, вядомая па летапісах.
Археалагічная знаходка ў Гродне / ТРК "Гродна"
Археалагічная знаходка ў Гродне / ТРК "Гродна"
Археалагічная знаходка ў Гродне / ТРК "Гродна"
