У Гродне на раскопках знайшлі фрагмент сярэднявечнай шахматнай дошкі (фота)
![У Гродне на раскопках знайшлі фрагмент сярэднявечнай шахматнай дошкі (фота)](/sites/default/files/styles/gallery_main/public/2023-08/doszka-1009-2.jpg.webp?itok=5snLh1Pb)
На раскопках у гродзенскім Старым замку знайшлі фрагмент сярэднявечнай шахматнай дошкі, інфармуе Гродзенскі дзяржаўны гісторыка-археалагічны музей. Знаходка трапілася 10 верасня.
Дарэчы, на тэрыторыі Старога замка гэта не першая знаходка, звязаная з шахматамі. Напрыклад, у жніўні археолагі знайшлі тут пешку, зробленая з рога. Датуюць знаходку XIV стагоддзем. У кастрычніку 2017-га археолагі знайшлі тут ладдзю, таксама зробленую з рога. Фігурку датавалі таксама XIV стагоддзем. Такім чынам у музеі хутка будзе цэлая шахматная калекцыя.
Шахматную фігурку ў выглядзе ладдзі знайшлі пры раскопках у Гродне ў 1930 годзе. Яна паслужыла прататыпам для каменнага помніка, усталяванага каля Замкавай гары на беразе Нёмана.