Вы тут

У графіці "Мінск-Масква" уплялі калючы дрот (фота)

Прапагандысцкае графіці "Масква-Мінск" на вуліцы Магілёўская, 32 у Мінску ўпрыгожылі калючым дротам. Цяпер у букеце, які трымае хлопчык, і на вянку, што на галаве дзяўчынкі, з'явіліся прыгожыя, па-мастацку ўпісаныя шыпы. Фота "навінкі" апублікаваў у сацсетках праект Signal.

Па інфармацыі Еўрарадыё, "карэкцыя" насценнага жывапісу адбывалася ў першай палове дня ў нядзелю 23 кастрычніка. Вакол хадзілі людзі, але ніхто не звяртаў увагі на тое, што ля сцяны стаіць пад'ёмнік, на якім працуе чалавек у камбінезоне.

Праз праект Signal аўтар перадаў Еўрарадыё, што цяпер у графіці ёсць хоць нейкі сэнс:

"Выратаваць? Тое, што мёртвае, памерці не можа. Але сэнсу дадаць атрымалася".

Нагадаем, графіці, прысвечанае сяброўству Мінска і Масквы, з'явілася ў сталіцы на пачатку лета. Яго мастацкі складнік і ідэя выклікалі шэраг абурэнняў сярод мінчукоў.

 

Новости других медиа
Загрузка...
Загрузка...

Галоўнае

Выбар рэдакцыі