У Гомелі абяцаюць пабудаваць новую дзіцячую паліклініку
![Навабеліцкі раён Гомеля](/sites/default/files/styles/gallery_main/public/2024-02/xwa2mt719u71t25coiefkzzufpibp5g0.jpg.webp?itok=86jy50c4)
Навабеліцкі раён Гомеля / gp.by
У Гомелі з'явіцца новая дзіцячая паліклініка. Яе пабудуюць у Навабеліцкім раёне, дзе ў апошні час ішла актыўная забудова новых жылых кварталаў.
За кошт навасёлаў павялічылася колькасць сем'яў з дзецьмі. Але сёння для дапамогі маленькім пацыентам працуе толькі аддзяленне на першым паверсе шматпавярхоўкі. Таксама ў раёне ёсць дзве паліклінікі для дарослых.
Пачаць будаўніцтва новай дзіцячай паліклінікі ўлады плануюць у 2024 годзе. Ужо распрацаваная перадпраектная дакументацыя і архітэктурны праект. Вядзецца распрацоўка праектна-каштарыснай дакументацыі. Чакаецца, што яна будзе завершаная да канца гэтага года, пасля чаго пачнуцца будаўніча-мантажныя працы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.