У Гастомель прыязджаў мільярдэр Рычард Брэнсан

У Гастомель прыязджаў мільярдэр Рычард Брэнсан

У Гастомель у Кіеўскай вобласці Украіны прыязджаў брытанскі мільярдэр, заснавальнік карпарацыі Virgin Group (у яе ўваходзіць вядомая касмічная кампанія Virgin Galactic) Рычард Брэнсан. Як піша hromadske.ua, ён цікавіўся аэрадромам прадпрыемства "Антонаў" і магчымасцямі яго аднаўлення. Экскурсію для госця зладзілі прадстаўнікі мясцовых уладаў, "Украбаронпраму" і "Антонава". Брэнсану распавялі пра перспектывы і наяўныя праекты рэканструкцыі.

Рычард Брэнсан паслядоўна падтрымлівае Украіну з часоў Еўрамайдана 2014 года.

Сёлета Гастомель больш за месяц знаходзіўся пад расійскай акупацыяй. На мясцовым аэрадроме быў знішчаны знакаміты транспартны самалёт Ан-225 "Мрія" (найбольшы ў свеце).

У Гастомель прыязджаў мільярдэр Рычард Брэнсан
facebook.com/dumenkotaras
У Гастомель прыязджаў мільярдэр Рычард Брэнсан

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі