У Феадосіі гарыць найбуйнейшы ў Крыме нафтавы тэрмінал
Раней гэты нафтавы тэрмінал ужо неаднаразова атакавалі / @astrapress
Украінскі Генштаб пацвердзіў паражэнне нафтавага тэрмінала ў акупаваным Крыме, піша Hromadske. Паспяховая атака была праведзена падраздзяленнямі ракетных войскаў УСУ ва ўзаемадзеянні з іншымі складовымі часткамі Сіл абароны Украіны.
Раней аб моцным пажары ў Феадосіі паведамілі расійскія паблікі. "Патрапілі ўсё ж у нафтабазу", — цытаваў канал ASTRA мясцовых жыхароў. Гэты тэрмінал ужо неаднаразова атакавалі: у снежні і лістападзе мінулага года, а таксама ў пачатку сакавіка 2024-га. Увесну на тэрыторыі базы ўпалі адразу 4 беспілотнікі, быў пашкоджаны магістральны трубаправод перапампоўкі паліва, узнік пажар. Людзей эвакуіравалі.
На гэты раз пасля ўзнікнення пажару на тэрмінале ў афіцыйным гарадскім пабліку з'явілася паведамленне аб увядзенні рэжыму тэхнагеннай надзвычайнай сітуацыі муніцыпальнага характару. Але пазней паведамленне абверглі, напісалі, што "адбылася тэхнічная памылка". Дадамо, што АТ "Марскі нафтавы тэрмінал" з'яўляецца найбуйнейшым у Крыме па аб'ёмах перавалкі нафтапрадуктаў.
