У Фаніпалі аднагадовы ўнук зачыніў бабулю на балконе

У суботу 12 студзеня ў Фаніпалі аднагадовае дзіця выпадкова зачыніла сваю бабулю на балконе. На пліце варылася ежа. У кватэры на дзясятым паверсе дома на вуліцы Багушэўскага яны былі ўдваіх.

Жанчына стала клікаць на дапамогу. Пачуўшы яе крык, суседзі патэлефанавалі ў 101. Да дому пад'ехалі два аддзяленні ратавальнікаў з пажарнай аварыйна-выратавальнай часці. Старшы пажарны Уладзіслаў Хмыз падняўся на балкон і адчыніў дзверы.

Ніхто з тых, хто пражывае ў кватэры не пацярпеў, паведамляе fanipol.by.