У цэнтры Мілана пасля выбуху загарэліся некалькі аўтамабіляў
Выбух і пажар у Мілане / lacnews24.it
У цэнтры Мілана ўдзень 11 траўня адбыўся выбух і ўспыхнуў вялікі пажар. Як піша lacnews24.it, слуп чорнага дыму быў добра бачны з розных кропак горада.
Мяркуецца, што выбухнуў фургон з кіслароднымі балонамі, прыпаркаваны на вуліцы. Агонь распаўсюдзіўся на аўтамабілі, якія стаялі побач.
Паводле папярэдніх звестак, у фургона была тэхнічная праблема, якая прывяла да выбуху і наступнага пажару.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.