У Брусэлі беларускім дыпламатам нагадалі аб правах чалавека
Гэта адбылося падчас кансультацый па пытаннях мадэрнізацыі з Еўрапейскім саюзам.
Беларуская дэлегацыя на чале з намесніцай мінсітра замежных спраў Аленай Купчыной наведала Брусэль. 9 сакавіка там прайшоў пяты раўнд кансультацый па пытаннях мадэрнізацыі з Еўрапейскім саюзам.
З боку Еўрасаюза дэлегацыю на кансультацыях узначальваў дырэктар дэпартамента Расіі, "Усходняга партнёрства", Цэнтральнай Азіі, рэгіянальнага супрацоўніцтва і АБСЕ Еўрапейскай службы знешніх дзеянняў Гунар Віганд.
Як паведамляе прэс-служба МЗС, на кансультацыях сярод іншага абмяркоўвалася і пытанне правоў чалавека. Галоўная мэта гэтых кансультацыяў — выбар найлепшай будучай формы ўзаемадзеяння паміж беларускімі ўладамі і кіраўніцтвам Еўрасаюза.
Паведамляецца, што Алена Купчына правяла шэраг іншых сустрэч з прадстаўнікамі Еўрасаюза — кіраўніцтвам Еўракамісіі ды Еўрапейскай службы знешніх дзеянняў. Сярод іншага беларускі дыпламат парвяла гутарку з еўракамісарам па Еўрапейскай палітыцы суседства і перагаворах аб пашырэнні ЕС Яханэсам Ханам і намеснікам генсакратара Еўрапейскай службы знешніх дзеянняў Хельгай Шмід. На гэтай сустрэчы абмяркоўвалася далейшае развіццё адносін паміж Беларуссю і Еўрасаюзам.
Фота — ctv.by