У брэсцкім аўтапарку звольнілі начальства і кіроўцу, які пісаў Лукашэнку

Брэсцкі аўтобус / b-g.by

У брэсцкім аўтапарку звольнілі дырэктара, яго намесніка і кіроўцу, які пісаў зварот да Лукашэнкі, паведамляе "Белсат"

Кіроўца Міхаіл Сідарэнка расказваў аб праблемах аўтапарку. Ён запісаў зварот да Лукашэнкі, у якім прасіў звярнуць увагу на ўмовы працы і заробкі. Таксама мужчына сказаў, што знос аўтобусаў прадпрыемства складае 70%.

Пасля гэтага звольнілі дырэктара КУП "Брэсцкі грамадскі транспарт" Ігара Царука, яго намесніка Паўла Забаўскага і самога кіроўцу.

дарэчы, Міхаіл Сідарэнка вядомы ў Брэсце пад нікам "Барадач". Ён здымае кароткія відэа, дзе расказвае аб праблемах аўтапарку. Акрамя таго, мужчына перадаваў інфармацыю праўладнаму блогеру Аляксею Голікаву.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.