У Брэсце расследуюць крымінальную справу пра забойства вароны
У Брэсце Следчы камітэт расследуе крымінальную справу за жорсткае абыходжанне з жывёлай, якое пацягнула яе гібель. Пра гэта парталу tut.by распавёў афіцыйны прадстаўнік упраўлення Следчага камітэта па Брэсцкай вобласці Дзмітрый Іванюк.
Інцыдэнт здарыўся 26 кастрычніка. Невядомы з пнеўматычнай зброі стрэліў у варону. Смяротна параненая птушка звалілася на тэрыторыю гімназіі №4.
Следчы камітэт спярша правёў праверку, а 26 снежня пачаў крымінальную справу. Праваахоўнікі высвятляюць, хто страляў у варону.
За жорсткае абыходжанне з жывёлай, якое прывяло да яе гібелі, прадугледжваецца пакаранне ў выглядзе грамадскіх работ, штрафу, да аднаго года папраўчых работ або арышту.
