У Брэсце аштрафавалі маці беларускага добраахвотніка, які ваюе ва Украіне
![Іна Калацкая і Ціхан Клюкач / t.me/viasna_brest/](/sites/default/files/styles/gallery_main/public/2023-08/2311121111.jpg.webp?itok=yY141hQr)
Іна Калацкая і Ціхан Клюкач / t.me/viasna_brest/
У Брэсце аштрафавалі Іну Калацкую, маці беларускага добраахвотніка і былога палітвязня Ціхана Клюкача, які ваюе ва Украіне. Суд адбыўся ў аўторак. Жанчыну прызналі вінаватай у "непадпарадкаванні службовай асобе", паведамляюць праваабаронцы.
Пра затрыманне 45-гадовай Калацкай стала вядома 15 жніўня. Яе нібыта судзілі па адміністрацыйным артыкуле і адправілі на суткі ў брэсцкі ІЧУ.
Ціхан Клюкач адседзеў у РБ паўтара года ў калоніі за ўдзел у пратэстах 2020-га. Пасля вызвалення ён з'ехаў ва Украіну і далучыўся да беларускіх добраахвотнікаў, якія ваюцць супраць расійскіх акупантаў.
Сілавікі РБ неаднаразова затрымлівалі сваякоў беларускіх добраахвотнікаў, якія ваююць на баку Украіны. Некаторыя з іх былі асуджаныя. Рэпрэсіі супраць сваякоў выкарыстоўваюцца для ціску на байцоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.