У Беларусі забароняць прадаваць піва ў пластыкавых бутэльках па 2 літры
![Лінія па разліве піва ў пластыкавыя бутэлькі / twitter.com](/sites/default/files/styles/gallery_main/public/2023-08/beer_10_03.jpg.webp?itok=CJ2rRYNL)
Лінія па разліве піва ў пластыкавыя бутэлькі / twitter.com
У Беларусі ўводзяць новае абмежаванне на продаж піва ў пластыкавых бутэльках. Піва і слабаалкагольныя напоі з доляй этылавага спірту да 7% нельга будзе прадаваць у палімернай тары аб'ёмам большым за 1,5 літра. Гэтае правіла ўступае ў сілу з 1 студзеня 2025 года.
Рашэнне ўжо прынятае. Адпаведная пастанова ўрада апублікаваная на Нацыянальным прававым партале. Пастанова таксама дазваляе крамам распрадаць рэшткі піва ў бутэльках ёмістасцю большай за 1,5 літра і пасля ўвядзення забароны. Але прадаваць гэтыя рэшткі яны змогуць толькі да заканчэння іх тэрміну прыдатнасці.
Дагэтуль, нагадаем, піва і слабаалкагольныя напоі нельга было прадаваць у палімернай тары ёмістасцю большай за 2 літры.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.