У Беларусі разбуранае яшчэ адно пахаванне салдат Арміі Краёвай
![Магілы байцоў Арміі Краёвай каля вёскі Сурканты ў Воранаўскім раёне / glosznadniemna.pl](/sites/default/files/styles/gallery_main/public/2023-08/pol_25_08.jpg.webp?itok=PrvFZhoa)
Магілы байцоў Арміі Краёвай каля вёскі Сурканты ў Воранаўскім раёне / glosznadniemna.pl
У Беларусі разбуранае яшчэ адно пахаванне салдат Арміі Краёвай, піша Саюз палякаў Беларусі. Мясцовыя ўлады знішчылі магілы каля вёскі Сурканты ў Воранаўскім раёне Гродзенскай вобласці.
Мясцовыя жыхары расказалі, што "спусташэнне могілак нагадвала маштабную спецаперацыю". Іншыя крыніцы паведамляюць, што прыехалі старшыня сельскага савета і супрацоўнікі міліцыі. Магілы руйнуюць экскаватарам. Гэта далёка не першы выпадак разбурэння магіл польскіх байцоў.
Каля вёскі Сурканты былі пахаваныя партызаны Арміі Краёвай, якія загінулі ў баі з батальёнам НКУС у жніўні 1944 года. Іх пахавалі побач са старымі могілкамі. Крыжы на магілах з'явіліся толькі ў пачатку 90-х, але мясцовыя ўлады тады так і не адважыліся напісаць, супраць каго ваявалі загінулыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.