У Беларусі радыкальных зменаў падатковага заканадаўства не прадбачыцца

У Беларусі радыкальных зменаў падатковага заканадаўства ў 2017 годзе не прадбачыцца. Пра гэта заявіў міністр па падатках і зборах Сяргей Налівайка.

"Мы прыхільнікі таго, каб ніякіх рашучых змен не было. Напэўна, больш радыкальных змен, чым адбыліся ў гэтым годзе, не прадугледжваецца", — цытуе словы міністра БелаПАН. Налівайка падкрэсліў, што найбольш значным змяненнем сёлета было ўвядзенне 1 ліпеня электронных рахункаў-фактур.

Паводле слоў Сяргея Налівайкі, Міністэрства па падатках і зборах цяпер актыўна працуе з Міністэрствам фінансаў над падрыхтоўкай праекта змяненняў у Падатковы кодэкс.