У Беларусі прызначылі дату, калі пачнуць судзіць памерлага Уладзіміра Катрука
![У РБ вырашылі пачаць судзіць не толькі жывых, але і памерлых](/sites/default/files/styles/gallery_main/public/2024-01/skull-1867707_1280.jpg.webp?itok=Kua-nsdK)
У РБ вырашылі пачаць судзіць не толькі жывых, але і памерлых / pixabay.com
У Беларусі прызначылі дату, калі пачнуць судзіць памерлага Уладзіміра Катрука. Украінца, які памёр у 2015-м у Канадзе ва ўзросце 93 гадоў, абвінавачваюць у генацыдзе. Вярхоўны суд РБ паведамляе, што судовае разбіральіцтва па яго крымінальнай справе пачне 8 лютага.
Яшчэ пры жыцці Катрука абвінавачвалі па справе спалення ў 1943 годзе беларускай вёскі Хатынь разам з яе жыхарамі. Ён гэта адмаўляў.
Пра тое, што ў РБ пачнуцца завочныя суды не толькі над жывымі, але і над памерлымі, генпракурор Андрэй Швед заявіў у канцы зімы 2023-га. Паводле яго слоў, судзіць збіраюцца катаў, якія пазбеглі адказнасці — нямецка-фашысцкіх захопнікаў і іх памагатых. Бальшавіцкіх катаў судзіць не будуць — камуністычныя злачынствы ў Беларусі не расследуюцца.
![У Беларусі прызначылі дату, калі пачнуць судзіць памерлага Уладзіміра Катрука](/sites/default/files/styles/default_image_paragraph/public/paragraphs/image/70fd85e4bebad6d108b503cd45991146_1.jpg.webp?itok=_MRL7YB7)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.