У Беларусі падаражэе цукар
У Беларусі падаражэе цукар. Гэты крок зроблены "у мэтах забеспячэння ўнутранага рынку і забеспячэння эфектыўнай працы арганізацый цукровай галіны". Рашэнне прыняла камісія па пытаннях дзяржаўнага рэгулявання цэнаўтварэння пры Саўміне. Яно датычыць юрыдычных асоб усіх формаў уласнасці і ІП, якія займаюцца вытворчасцю ці ўвозам на ўнутраны рынак, продажам цукру.
Прэс-служба Міністэрства антыманапольнага рэгулявання і гандлю паведамляе, што кошт вырасце ў сярэднім на 6% у дачыненні да таго, які быў устаноўлены 31 снежня 2021-га.
Павышэнне цэн мусіць адбыцца на працягу 60 дзён у адліку ад 2 сакавіка.
