У Беларусі кіраўнікам абласцей дазволілі пастраляць з артылерыйскіх гармат
Кіраўнікі аблвыканкамаў і іх намеснікі, адказныя за тэрытарыяльную абарону, паўдзельнічалі ў зборы "Вайсковая бяспека і абарона Рэспублікі Беларусь". Ён праводзіўся на базе 51-й артылерыйскай брыгады. Прысутнічаў міністр абароны Андрэй Раўкоў.
Як інфармуе БЕЛТА, акрамя тэарытычных заняткаў, былі і практычныя. На палігоне пад Асіповічамі адбыліся стрэльбы з мінамётаў і супрацьтанкавых гармат. Стаяла задача павышэння ўзроўню індывідуальнай падрыхтоўкі кіраўнікоў.
"Нам прадставілася магчымасць пастраляць з артылерыйскіх гармат, — кажа старшыня Магілёўскага аблвыканкама Уладзімір Даманеўскі. — Пажадана, каб гэта не прыгадзілася ў жыцці, але гэта трэба ведаць кожнаму мужчыне, абаронцу Айчыны".
БЕЛТА