У Беларусі аб'яўлены чырвоны ўзровень небяспекі на 6 жніўня з-за спякоты
![На сонца ў такое надвор'е лепш не выходзіць / Еўрарадыё](/sites/default/files/styles/main_image_watermark_/public/2023-08/fhf.jpg.webp?itok=765TgO2X)
На сонца ў такое надвор'е лепш не выходзіць / Еўрарадыё
У нядзелю ў Беларусі аб'яўлены чырвоны ўзровень небяспекі з-за анамальнай спякоты, паведамляе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Тэмпература паветра ўначы па краіне складзе плюс 18-24 градусы, а днём — ад плюс 31 да 34 градусаў. На большай частцы Брэсцкай і Гомельскай абласцей будзе яшчэ гарачэй — 35-37 градусаў.
Сіноптыкі прагназуюць невялікую воблачнасць. Ноччу па паўночным захадзе, а днём у некаторых раёнах Брэсцкай вобласці чакаюцца кароткачасовыя дажджы і навальніцы.
У спякоту варта ўстрымацца ад паездак на грамадскім транспарце, актыўнай фізічнай нагрузкі і знаходжання на сонцы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.