У Беларусь прыляцеў прэзідэнт Узбекістана

У сераду ў Беларусь з афіцыйным візітам прыляцеў прэзідэнт Узбекістана Шаўкат Мірзіёеў. У Нацыянальным аэрапорце Мінск яго сустракалі прэм'ер-міністр Сяргей Румас і міністр замежных спраў Уладзімір Макей, інфармуе БЕЛТА. На 1 жніўня запланаваныя перамовы Аляксандра Лукашэнкі і Шаўката Мірзіёева. Яны пройдуць у Палацы Незалежнасці. Запланаваны візіт прэзідэнта Узбекістана ў Парк высокіх тэхналогій.