У Беларусь прыбылі чарговыя цягнікі з расійскай вайсковай тэхнікай

У Беларусь прыбылі чарговыя цягнікі з расійскай вайсковай тэхнікай, паведамляе Мінабароны РБ. На здымках відаць, што на платформах на адным з іх, у асноўным, грузавікі з літарамі Z на бартах. На іншым цягніку — бронетэхніка.

Фармальна ўсё гэта будзе ўключана ў склад "рэгіянальнай групоўкі" войскаў Беларусі і Расіі, якая "нарошчваецца" ў нашай краіне. Рэальна ж гэтая вайсковая тэхніка можа быць выкарыстаная для перавозкі салдат на вайну ва Украіну.

У пятніцу Аляксандр Лукашэнка прыляцеў на верталёце на Абуз-Лясноўскі палігон пад Баранавічамі, дзе паразмаўляў з расійскімі саладатамі і афіцэрамі, якія там праходзяць падрыхтоўку.