У Баранавіцкім раёне знайшлі французскі кулямёт узору 1920-х гадоў

У пасёлку Гарадзішча Баранавіцкага раёна падчас земляных працаў знайшлі французскі кулямёт Шатэльро ўзору 1920-х гадоў, а таксама 13 магазінаў з патронамі. Мясцовы жыхар паведаміў пра знаходку ў міліцыю. Кулямёт і патроны перадалі экспертам.

Як паведамляе sudexpert.gov.by, яны і высветлілі, дзе і калі быў выраблены кулямёт. Ён і патроны для стральбы ўжо не прыдатныя з прычыны значнай карозіі.

Падчас Другой сусветнай вайны французскі кулямёт Шатэльро выкарыстоўвалі нямецкія войскі. Брэсцкія эксперты кажуць, што ўпершыню яго пабачылі.