У Баранавічах шукаюць грузчыкаў “славянскага выгляду”
Абвесткі на слупах і аўтобусных прыпынках прапануюць ім працу ў Маскве і Маскоўскай вобласці.
Асноўныя патрабаванні да прэтэндэнтаў: беларускае ці расійскае грамадзянства і “славянская знешнасць”. Кампанія прапануе пяцідзённы графік, вахтавы метад спецвопратку, пражыванне і ўвесь астатні “сацпакет”. Заробак грузчыка славянскай знешнасці складзе 1 тысячу расійскіх рублёў за змену, камплектоўшчыкам — 1 тысячу 100 рублёў, кіроўцам пагрузчыкаў — 1 тысячу 400.
Незвычайнае патрабаванне — напэўна, наступства канфлікта на нацыянальнай глебе ў Заходнім Бірулёва. 15 кастрычніка там былі забітыя адразу двое грамадзянаў "неславянскай знешнасці": азербайджанец і ўзбек.
Фота: www.ocy.ru.
