У аўторак у Мінску абвесцяць прысуд Сашу Варламаву
Пачатак паседжання ў судзе Ленінскага раёна сталіцы запланаваны на 11-ю гадзіну.
Нагадаем, пракурор папрасіў прызнаць мадэльера вінаватым ва ўхіленні ад выплаты падаткаў і эканамічных злоўжываннях. Абвінавачанне просіць пакараць Варламава пяццю гадамі пазбаўлення волі з канфіскацыяй маёмасці.
Абвінавачаны і яго адвакат заявілі, што разлічваюць на апраўдальны прысуд. Падчас знаходжання пад арыштам Варламаву зрабілі некалькі аперацый на пазваночніку, у яго 2-я група інваліднасці. У суд мадэльер прыходзіць з кійком. Апошняе слова з дазволу суддзі прамаўляў седзячы, адзначае interfax.by.
