У Асіповіцкім раёне ў ДТЗ аўтамабіль адкінула на расіяніна-пешахода

У Асіповіцкім раёне ў дарожна-транспартным здарэнні аўтамабіль адкінула на пешахода, мужчына загінуў. Як інфармуе прэс-служба МУС Беларусі, здарэнне адбылося 13 снежня пасля 17-й гадзіны каля вёскі Краснае. Аўтамабіль “Форд”, якім кіраваў жыхар пасёлка Ялізава, раптоўна выехаў на паласу сустрэчнага руху. Там адбылося сутыкненне з МАЗам, у выніку якога легкавік адкінула на абочыну. Там ён збіў пенсіянера. Пра загінулага вядома, што ён — грамадзянін Расіі, які меў від на жыхарства ў нашай краіне.