Тэлеканал "БелМузТБ" ладзіць новую музычную прэмію "Наша Ліга"

18 снежня ў Мінску адбудзецца цырымонія ўручэння першай музычнай прэміі папулярнай музыкі "Наша Ліга". Яе ладзіць тэлеканал "БелМузТБ". У васьмі намінацыях будуць названыя лепшыя артысты Усходняй Еўропы. 


Сярод намінацый — "Спявак года", "Спявачка года", "Песня года", "Кліп года", "Адкрыццё года", "Дуэт года", "Крэатыў года" і "Альбом года". 


За перамогу пазмагаюцца толькі тыя выканаўцы, кліпы якіх сёлета трапілі ў трэк-ліст "БелМузТБ" і павялічвалі "долю канала ў агульнымі рэйтынгу беларускіх каналаў". 


Глядзець уручэнне прэміі можна будзе ў прамым эфіры музычнага тэлеканала.