Тарас Аватараў асуджаны на 5 гадоў зняволення
![Тарас Аватараў асуджаны на 5 гадоў зняволення](/sites/default/files/styles/gallery_main/public/2023-08/88d5858bce11f5dbe693e2a576a7758472cd929a5412d8285apimgpsh_fullsize_distr.jpg.webp?itok=PFbwjC_m)
29-гадовы Тарас Аватараў асуджаны на 5 гадоў зняволення. Яго прызналі вінаватым у незаконных дзеяннях у дачыненні зброі і боепрыпасаў ды ў кантрабандзе (ч. 2 арт. 295 і ч. 2 арт. 228 КК). Прысуд па справе жыхара Наваполацка, які вярнуўся з Украіны, з зоны правядзення антытэрарыстычнай аперацыі, быў агучаны 5 траўня ў судзе Фрунзенскага раёна Мінска. Тэрмін зняволення Аватараў будзе адбываць у калоніі ўзмоцненага рэжыму. Прысуд можа быць абскарджаны на працягу 10 сутак.
Справа байца АТА, затрыманага на мінскім вакзале: Пісталет аказаўся не баявы
Аватарава затрымалі на мінскім чыгуначным вакзале ў канцы лістапада 2015 года. Афіцыйна было заяўлена, што затрыманы — баявік "Правага сектара". У яго была бронекамізэлька, сігнальны пісталет, выбуховае прыстасаванне, зробленае з аскепкавай гранаты для станковага гранатамёта. Тарас Аватараў сцвярджаў, што прыстасаванне насамрэч "сігнальнае". Больш таго, на судзе ён заявіў, што сваімі дзеяннямі прадухіліў... тэракт у Мінску. Аднак ніякіх доказаў не прадаставіў.
![Тарас Аватараў асуджаны на 5 гадоў зняволення](/sites/default/files/paragraphs/image/6cf8be67636a6db6633d6b1d2a40aa8d8ebd5b760c407069ecpimgpshfullsizedistr_0.jpg)