Талаковы эфір: як сабраць 3800 рублёў на дзіцячую кніжку "Кошык вожыка"

Талаковы эфір: як сабраць 3800 рублёў на дзіцячую кніжку "Кошык вожыка"

Кніжак на беларускай мове для самых маленькіх у дзіцячых установах недастаткова. А цікавых беларускамоўных кніжак дык і ўвогуле кот наплакаў! Аліна Нагорная і Ігар Случак вырашылі не чакаць мяккай беларусізацыі і выпраўляць сітуацыю сваімі сіламі. І распачалі краўдфандынгавую кампанію на выданне дзіцячай кніжкі "Кошык вожыка" на платформе "Талака".

Каляровы інтэрактыўны “Кошык вожыка” плануецца падарыць дзецям з розных дзіцячых установаў Слуцка і Слуцкага раёна  (дзіцячыя садкі, дзіцячыя дамы сямейнага тыпу, лякарні, слуцкі дом дзіцяці).  Случчына абрана не выпадкова, бо аўтарка вершаў і ілюстрацый Ліза Шмідт паходзіць менавіта з гэтага рэгіёну. Аўтар перакладу – Сымон Цынамон.

На збор сродкаў ёсць яшчэ амаль два месяцы. Сабраць трэба 3800 рублёў. Як рухаецца справа, на што пойдуць грошы, якая зараз у Беларусі сітуацыя з дзіцячай літаратурай і чаму яе ніхто не выправіць, акрамя нас саміх, Ігар і Аліна распавядаюць у сённяшнім "Талаковым эфіры".

 

Аліна Нагорная і Ігар Случак у "Талаковым эфіры" на Еўрарадыё.

Апошнія навіны

Галоўнае

Выбар рэдакцыі