Сёлета ў інтэрнатах БДУІР як мінімум тры студэнты скончылі жыццё самагубствам
![Пакой у інтэрнаце № 2 (ілюстрацыйнае фота)](/sites/default/files/styles/gallery_main/public/2024-03/12_113227_1_52861.jpg.webp?itok=AfEujFT6)
Пакой у інтэрнаце № 2 (ілюстрацыйнае фота) / bsuir.by
Сёлета ў інтэрнатах Беларускага дзяржаўнага ўніверсітэта інфарматыкі і радыёэлектронікі як мінімум тры студэнты скончылі жыццё самагубствам, піша "Зеркало". У прычынах трагедый разбіраюцца следчыя органы. Студэнтам ніякай інфармацыі пра здарэнні не паведамляюць. Некаторыя наракаюць на адсутнасць псіхалагічнай дапамогі.
Першы суіцыд адбыўся ў канцы студзеня. Адзін са студэнтаў БДУІР скончыў жыццё самагубствам у інтэрнаце № 1. Яго знаёмыя кажуць, што хлопец моцна перажываў з-за пераздач і высялення з інтэрната. У пачатку сакавіка іншы студэнт саскочыў з 12-га паверха гэтага інтэрната. Трэці суіцыд адбыўся 10 сакавіка. Студэнт скончыў жыццё самагубствам у інтэрнаце № 2.
"У галаву кожнаму дзіцяці мы не залезем. Зразумелая справа, мы не правакуем такія рэчы", — заявіла загадчыца інтэрната № 1.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.