Сёлета 39 беларускіх сем'яў засталіся без жытла за нявыплату "камуналкі"
Прычынай для высялення стала працяглая запазычанасць за аплату жыллёва-камунальных паслуг.
Сем'і пераселеныя са сваіх кватэраў у жылыя памяшканні меншай плошчы, паведамляе БЕЛТА.
Агулам за шэсць месяцаў 2014 года было пададзена 187 пазоваў пра высяленне. Як правіла, суды прымаюць рашэнне аб перасяленні даўжнікоў праз некалькі месяцаў пасля падачы пазову. Пры гэтым неплацельшчыкам даецца магчымасць пагасіць запазычанасць. Большасць злосных даўжнікоў — праблемныя сем'і, якія вядуць асацыяльны лад жыцця і злоўжываюць спіртнымі напоямі, кажуць у Міністэрстве ЖКГ.
Фота — klops.ru
