Плыўчыха Аліна Змушка на Алімпіядзе выступіць у фінале на стометроўцы брасам
Аліна Змушка / t.me/olympicteamby/
Увечары ў панядзелак плыўчыха Аліна Змушка на Алімпіядзе выступіць у фінале на стометроўцы брасам. Напярэдадні ў 1/2 фіналу беларуска паказала ў першым паўфінале другі вынік (1 хвіліна 05,93 секунды). Агулам яна была 5-й сярод 16 удзельніц.
Змушка — першая прэтэндэнтка на медалі сёлетняй Алімпіяды для Беларусі (хаця і выступае ў статусе нейтральнай спартсменкі).
29 ліпеня на Алімпійскіх гульнях стартуе яшчэ адна беларуская плыўчыха — Анастасія Шкурдай. Яна выйдзе ў кваліфікацыі на дыстанцыю 100 метраў на спіне.
t.me/olympicteamby/
