Суд у Маскве адмяніў пажыццёвую высылку Ідрака Мірзалізадэ з Расіі
І рэкамендаваў, каб МУС вызначыла "разумны" тэрмін абмежавання.
Замаскварэцкі раённы суд Масквы часткова адмяніў пажыццёвую высылку коміка Ідрака Мірзалізадэ з Расіі. Ён загадаў МУС вызначыць "разумны" тэрмін абмежавання, піша "Новая газета".
Стэндапер Ідрак Мірзалізадэ — этнічны талыш і грамадзянін Беларусі. У адным са сваіх выступаў ён пажартаваў на тэму таго, як у Маскве цяжка знайсці жытло людзям з паўднёвай знешнасцю. Пасля гэтага коміка збілі на вуліцы, потым асудзілі на 10 сутак, абвінаваціўшы ў распальванні варожасці па нацыянальнай прыкмеце. Пасля гэтага хлопца выслалі з Расіі, пажыццёва забараніўшы яму ўезд.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.