Суд Сербіі пастанавіў выдаць рэжысёра Андрэя Гнёта ў Беларусь
![Андрэй Гнёт](/sites/default/files/styles/gallery_main/public/2024-03/gniot.jpg.webp?itok=tPD5hU49)
Андрэй Гнёт / t.me/dw_belarus/
Вышэйшы суд Сербіі вырашыў выслаць у Беларусь рэжысёра і сузаснавальніка "Свабоднага аб'яднання спартоўцаў SOS BY" Андрэя Гнёта. Пра гэта палітуцякач паведаміў у сваіх сацсетках.
Як паведамлялася раней, улады Лукашэнкі абвінавацілі рэжысёра ў нявыплаце падаткаў у асабліва буйным памеры (ч. 2 арт. 243 КК). Паводле Гнёта, суд не знайшоў падстаў, якія перашкаджаюць яго экстрадыцыі ў Беларусь.
У Гнёта ёсць магчымасць падаць апеляцыю цягам трох дзён. Яе падрыхтоўкай цяпер займаюцца адвакаты палітуцекача. Сам ён па-ранейшаму застаецца пад хатнім арыштам.
Андрэя Гнёта затрымалі ў Сербіі 30 кастрычніка 2023 года. Выявілася, што Беларусь абвясціла яго ў міжнародны вышук праз Інтэрпал. Сем месяцаў рэжысёр правёў у сербскай турме, пасля чаго выйшаў пад хатні арышт.
![Суд Сербіі пастанавіў выдаць рэжысёра Андрэя Гнёта ў Беларусь](/sites/default/files/styles/default_image_paragraph/public/paragraphs/image/hniot-1306.jpg.webp?itok=CmIITLPH)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.