Вы тут

"Стартапніца": RoadKit, які дапамагае кіроўцам рамантаваць аўто без падману

Арцём Радаман / probusiness.io

Ідэя стартапа RoadKit з'явілася пасля таго, як бізнесмен Арцём Радаман двойчы сутыкнуўся з няякасным рамонтам аўто. Спачатку на СТА "побач з домам" тармазныя калодкі падцягнулі так, што машына стала колам праз 3 км ад станцыі. А пасля ў Маскве майстры па тэлефоне назвалі адны лічбы, а па факце ўзялі зусім іншыя грошы — бо "іншагародняму" Арцёму было "няма куды падзецца".

Жаданне нешта змяніць у сферы рамонта аўто падштурхнула хлопца стварыць праграму, дзе б людзі хутка знаходзілі СТА, крамы запчастак, страхаўшчыкоў і іншых прафесіяналаў аўтарынку і карысталіся б іх паслугамі без рызыкі быць падманутымі. За 5 гадоў RoadKit перажыў некалькі крызісаў і тройчы змяніў бізнес-мадэль. Пра тое, як гэта было, у "Стартапніцы" — сумесным праекце Еўрарадыё і сайта BEL.BIZ — распавядае рухавік праекта Арцём Радаман. Дапамагала нам рэдактарка BEL.BIZ Юлія Няхай.