Станіслаў Зась: АДКБ дапаможа Таджыкістану пры пагрозе на афганскай мяжы

16/08/2021 - 12:35

Абстаноўка на мяжы Таджыкістана і Афганістана цалкам кантралюецца. Таму няма неабходнасці выкарыстоўваць механізмы АДКБ у гэтым рэгіёне. Пра гэта заявіў генеральны сакратар АДКБ Станіслаў Зась.

Ён падкрэсліў, што ў АДКБ выклікае глыбокую занепакоенасць змена абстаноўкі ў рэгіёне і імклівы наступ руху "Талібан".

"У выпадку абвастрэння становішча і пагрозы бяспецы Рэспублікі Таджыкістан для аказання дапамогі саюзніку будуць прынятыя ўсе неабходныя калектыўныя меры, прадугледжаныя статутнымі дакументамі", — цытуе БЕЛТА словы Зася.

Ён дадаў, што правёў сёння тэлефонныя перамовы з міністрам абароны Таджыкістана Шэралі Мірзо і сакратаром Савета бяспекі гэтай краіны Насруло Махмудзада. Па словах Зася, таджыкскія сілавыя структуры цалкам кантралююць сітуацыю на мяжы.

Бліжэйшым часам каля таджыкска-афганскай мяжы плануецца правесці
вучэнні Калектыўных сіл АДКБ.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.