Следчы камітэт паказаў наступствы непагадзі на Мінскім моры
![Скрыншот з відэа СК](/sites/default/files/styles/gallery_main/public/2023-08/image_2023-07-23_17-32-30.png.webp?itok=Qdms8qbU)
Скрыншот з відэа СК
Следчы камітэт паказаў наступствы непагадзі на Мінскім моры. У выніку здарэння адзін чалавек загінуў і два пацярпелі.
22 ліпеня на тэрыторыі Заслаўскага вадасховішча паблізу вёскі Зарэчча-1 з-за моцнай паветранай віхуры адбылося падзенне дрэў. У той дзень кампанія маладых людзей прыехала на пляж, каб адзначыць дзень народзінаў.
Падчас адпачынку надвор'е рэзка сапсавалася. Парывамі ветру вырвала дрэва, якое ўдарыла і прываліла 19-гадовую жыхарку Мінска. Ад атрыманых траўм яна памерла на месцы. Таксама пацярпелі 24-гадовая дзяўчына і 25-гадовы мінчанін. З траўмамі рознай ступені цяжкасці яны шпіталізаваны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.