Сіноптыкі: У панядзелак пройдуць моцныя дажджы з навальніцамі
22 верасня ў Беларусі будзе пераважаць хмарнае надвор’е.
Уначы месцамі, удзень на большай частцы тэрыторыі краіны пройдуць дажджы. Удзень месцамі прагназуюцца моцныя дажджы, навальніцы. Уначы і раніцай у асобных раёнах слабы туман. Вецер паўднёва-ўсходні, удзень з пераходам на заходні ўмеркаваны, месцамі парывісты.
Тэмпература паветра ўначы складзе 6-13 градусаў цяпла, удзень — 13-19 градусаў са знакам плюс, перадае БЕЛТА са спасылкай на Белгідрамет.
