Сіноптыкі: у панядзелак будзе пераважна без ападкаў, да +8
У бліжэйшыя суткі, 24 лютага, будзе хмарнае з праясненнямі надвор’е.
Ападкаў на большай частцы тэрыторыі не прадбачыцца, толькі месцамі па паўднёвым усходзе магчымыя невялікі дождж і мокры снег. Уначы і ў першай палове дня на большай частцы тэрыторыі Беларусь чакаецца туман. Уначы і раніцай у асобных раёнах прагназуецца слабы галалёд, на дарогах — галалёдзіца. Вецер паўднёва-ўсходні слабы да ўмеркаванага.
Тэмпература паветра ўначы складзе ад мінус 3 да плюс 3 градусаў. Удзень будзе 2-8 градусаў цяпла, перадае БЕЛТА са спасылкай на Белгідрамет.
