Сіноптыкі: У нядзелю будзе да +5, чакаецца мокры снег
18 студзеня ў Беларусі чакаецца хмарнае з праясненнямі надвор’е.
На большай частцы тэрыторыі краіны пройдуць ападкі ў выглядзе дажджу і мокрага снегу. Месцамі прагназуецца туман, слабы галалёд, на асобных участках дарог галалёдзіца. Вецер няўстойлівы, слабы да ўмеркаванага.
Тэмпература паветра ўначы складзе ад мінус 2 да плюс 3 градусаў, удзень чакаецца ад 0 да 5 градусаў вышэй за нуль, перадае БЕЛТА са спасылкай на Белгідрамет.
