Сілавікі расказалі, якую зброю канфіскавалі ў сям'і, дзе яны стралялі ў хлопца
![Стрэльбы і нажы, якія канфіскавалі ў жыхароў вёскі Вялікі Лес Крупскага раёна](/sites/default/files/styles/gallery_main/public/2023-11/gun_23_11.jpg.webp?itok=pGwkHx-D)
Стрэльбы і нажы, якія канфіскавалі ў жыхароў вёскі Вялікі Лес Крупскага раёна / @pressmvd
У сям'і, дзе сілавікі надоечы стралялі ў 19-гадовага хлопца, захоўваўся "вялікі незаконны арсенал" зброі. Так сцвярджаюць у ГУБАЗіК МУС.
Нагадаем, сілавікі прыехалі ў адзін з дамоў у вёсцы Вялікі Лес Крупскага раёна, узламалі браму, затрымалі бацьку і старэйшага сына, у руках у малодшага былі нажы. У яго стрэлілі. У аўторак паведамлялася, што хлопец у бальніцы. Пры гэтым пра яго стан інфармацыі не было. Няма яе і цяпер.
Сёння сілавікі толькі паведамілі, што "фігуранты доўгі час займаліся незаконным паляваннем". У іх дома ў выніку ператрусаў канфіскавалі "халодную, агнястрэльную зброю, боепрыпасы, выбуховыя рэчывы".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.