Сі Цзіньпін: "Украінскі крызіс — гэта тое, чаго мы не жадаем бачыць"
Джо Байдэн абмеркаваў вайну ва Украіне з Сі Цзіньпінам. Амерыканскія СМІ пісалі, што асноўная мэта прэзідэнта ЗША — папярэдзіць Кітай пра магчымыя наступствы падтрымкі Расіі.
Размова кіраўнікоў дзвюх краін доўжылася амаль дзве гадзіны.
Старшыня Сі заявіў, што канфлікты і канфрантацыя, падобныя тым, што адбываецца ва Украіне, "не адпавядаюць нічыім інтарэсам".
"Украінскі крызіс — гэта тое, чаго мы не жадаем бачыць", — заявіў ён і дадаў, што КНР і ЗША мусяць браць на сабе міжнародную адказнасць і дамагацца міру ва ўсім свеце.
