Штогод з беларускіх ВНУ адлічваюць каля 8000 студэнтаў
Студэнты
Каля 8000 студэнтаў штогод адлічваюць з беларускіх ВНУ. Прычым палова з іх сыходзіць па ўласным жаданні, заявіў міністр адукацыі Андрэй Іванец.
"Штогод каля 8 тысяч студэнтаў мы адлічваем з ВНУ, палову з іх — за непаспяховасць (мы вітаем жорсткае запытанне за якасць адукацыі), але палова — па ўласным жаданні. І гэта сведчыць, што з прафарыентацыяй мы істотным чынам не дапрацоўваем", — перадае БЕЛТА словы міністра.
Таксама Іванец заявіў, што цяпер у каледжы ідзе палова выпускнікоў 9-х класаў. Раней такіх было 30%.
На сустрэчы з Рэспубліканскім саветам рэктараў 13 лютага Аляксандр Лукашэнка моцна раскрытыкаваў сістэму вышэйшай адукацыі і заявіў, што створыць групу для яе праверкі.
Па тэме:
![]()
